DJ Tillu Sequel OTT Rights : డీజే టిల్లు స్వ్కేర్ డిజిటల్ రైట్స్ భారీ ధరకు అమ్ముడుపోయాయని తెలిసింది. ప్రముఖ ఓటీటీ సంస్థ కొనుగోలు చేసిందట. అలాగే ఈ చిత్ర థియేట్రికల్ రైట్స్కు కూడా ఫుల్ డిమాండ్ ఏర్పడిందని సమాచారం అందింది. ఆ వివరాలు.
DJ Tillu Sequel OTT Rights : ఈ ఏడాది టాలీవుడ్లో ఫుల్ క్రేజ్ ఉన్న సీక్వెల్స్లో డీజే టిల్లు స్వ్కేర్ కూడా ఒక‌టి. సిద్ధు జొన్న‌ల‌గ‌డ్డ హీరోగా న‌టిస్తున్న ఈ చిత్రం మార్చి 29న విడుదల కానుంది. అయితే విడుదలకు ముందే ఈ మూవీ ఓటీటీ రైట్స్ భారీ ధరకు అమ్ముడుపోయిన‌ట్లు టాలీవుడ్ వ‌ర్గాల్లో గట్టి ప్ర‌చారం జ‌రుగుతోంది.
వివరాల్లోకి వెళితే. రీసెంట్గా విడుదలైన ట్రైల‌ర్‌తో మువీపై అంచ‌నాలు మరింత పెరిగాయి. ఈ ప్రచార చిత్రంలో జొన్న‌ల‌గ‌డ్డ, అనుపమ ప‌ర‌మేశ్వ‌ర‌న్ కెమిస్ట్రీ స్పెషల్ అట్రాక్షన్గా నిలిచింది. అనుపమ అయితే కంప్లీట్ బోల్డ్ రోల్‌లో కనిపించి ఫ్యాన్స్కు గట్టి షాకే ఇచ్చింది. లిప్‌ లాక్‌లు, రొమాంటిక్ డైలాగ్స్‌తో యూత్ ఆడియెన్స్‌ను కట్టిపడేసింది.
ఈ ట్రైలర్కు(DJ Tillu Trailer) వచ్చిన రెస్పాన్స్తో ఓటీటీ రైట్స్ కోసం ఫుల్ డిమాండ్ ఏర్ప‌డిన‌ట్లు సమాచారం అందింది. డిజిటల్ రైట్స్ కోసం అమెజాన్ ప్రైమ్‌, నెట్‌ఫ్లిక్స్‌తో పాటు సోనీలివ్ గట్టిగానే పోటీప‌డ్డాయట. ఫైనల్గా నెట్‌ఫ్లిక్స్ ఈ డిజిటల్ రైట్స్‌ను ద‌క్కించుకున్న‌ట్లు తెలిసింది. అలా ఈ యూత్‌ఫుల్ రొమాంటిక్ ఎంటర్టైనర్ను దాదాపు రూ. 35 కోట్ల‌కు నెట్‌ఫ్లిక్స్ కొనుగులు చేసిన‌ట్లు చెబుతున్నారు. తెలుగుతో పాటు త‌మిళం, క‌న్న‌డ, మ‌ల‌యాళం స్ట్రీమింగ్ హ‌క్కుల‌ను కూడా నెట్‌ఫ్లిక్సే దక్కించుకుందట.ఈ సీక్వెల్ థియేట్రికల్ హ‌క్కుల‌కు కూడా ఫుల్ డిమాండ్ ఉందట. సిద్ధు జొన్న‌ల‌గ‌డ్డ కెరీర్‌లోనే ఈ మూవీ హ‌య్యెస్ట్ ప్రీ రిలీజ్ బిజినెస్(DJ Tillu Pre release business) చేసే అవకాశం ఉందని ట్రేడ్ వ‌ర్గాలు అంచ‌నా వేస్తున్నాయి.
ఇకపోతే ఈ సీక్వెల్‌కు సిద్ధు జొన్నల్లగడ్డనే స్వయంగా కథ అందించారు. మ‌ల్లిక్ రామ్ ద‌ర్శ‌క‌త్వం వ‌హించారు. సితార ఎంట‌ర్‌టైన్‌మెంట్స్‌, ఫార్ఛ్యూన్ ఫోర్ బ్యానర్పై సూర్య‌దేవ‌ర నాగ‌వంశీ, త్రివిక్ర‌మ్ భార్య సాయిసౌజ‌న్య చిత్రాన్ని నిర్మించారు. ఈ సినిమాకు త‌మ‌న్ బ్యాక్‌గ్రౌండ్ మ్యూజిక్‌ను అందించారు. ఇప్పటికే రిలీజైన పోస్టర్స్, ఇతర ప్రచార చిత్రాలు కూడా యూత్ను బాగా ఆకట్టుకున్నాయి. చూడాలి మరి ఈ సీక్వెల్ తొలి భాగం రేంజ్లో ప్రేక్షకులను ఆకట్టుకుంటుందో లేదో.