chiranjeevi : మెగాస్టార్ చిరంజీవి లేటెస్ట్ మూవీ విశ్వంభర నుంచి బ్లాస్టింగ్ అప్‌డేట్ బయటకొచ్చింది. ఈ సినిమాలో హీరోయిన్ అంజలి అదిరిపోయే మాస్ బీట్ చేస్తోందని టాక్.
chiranjeevi : భోళా శంకర్ డిజాస్టర్ తర్వాత మెగాస్టార్ చిరంజీవి చేస్తున్న సినిమా విశ్వంభర. బింబిసారతో భారీ విజయాన్నిఅందుకున్న వశిష్ట మల్లిడి ఈ సినిమాకు దర్శకత్వం వహిస్తున్నారు. ఈ సినిమాలో త్రిష హీరోయిన్‌గా చేస్తోంది. మరో కీలకపాత్రలో అనుష్క శెట్టి కూడా నటిస్తున్నట్లు టాక్ ఉంది.
అదిరే గ్రాఫిక్స్‌తో వస్తున్న ఈ చిత్రాన్ని యూవీ క్రియేషన్స్ నిర్మిస్తోంది. ఈ భారీ చిత్రానికి ఎం ఎం కీరవాణి సంగీతం అందిస్తున్నారు. ప్రస్తుతం ఈ సినిమా షూటింగ్ శరవేగంగా సాగుతోంది. ఈ నేపథ్యంలో తాజాగా ఈ సినిమాకు సంబంధించి బ్లాస్టింగ్ అప్‌డేట్ బయటకొచ్చింది.
విశ్వంభర మూవీలో ఫ్లాష్ బ్యాక్ ఎపిసోడ్ ఒకటి ఉందని, దాదాపు 30 నిమిషాల పాటు సాగే ఈ ఎపిసోడ్ లో హీరోయిన్ అంజలి మెరుపులు కనిపిస్తాయనే సమాచారం బయటకొచ్చింది. అంతేకాదు అంజలితో చిరంజీవి మాస్ బీట్ కూడా ప్రేక్షకులను హుషారెత్తించనుందట.
సాధారణంగా మెగాస్టార్ చిరంజీవి సినిమా వస్తోందంటే అభిమానులకు పండగే. ఆ క్షణం కోసం తెలుగు ప్రేక్షకులు ఎంతో ఆసక్తిగా ఎదురుచూస్తుంటారు. సెకండ్ ఇన్నింగ్స్ స్టార్ట్ చేసిన చిరంజీవి వెండితెరపై రఫ్ఫాడిస్తున్నారు. అలాంటి చిరు సినిమాలో మాస్ బీట్ అనే టాక్ మెగా ఫ్యాన్స్ ని పూనకాలెత్తిస్తోంది.
ప్రస్తుతం విశ్వంభర షూటింగ్ జెట్ స్పీడ్ లో జరుగుతోంది. ఈ ఏడాది జూలై చివరి నాటికి షూటింగ్ మొత్తం పూర్తి కానుందట. ఆ తర్వాత సినిమా పోస్ట్ ప్రొడక్షన్ పనులు, విజువల్ ఎఫెక్ట్స్ కోసం చాలా రోజులు శ్రమించనుందట చిత్రయూనిట్.
భారీ అంచనాల నడుమ తెరకెక్కుతున్న ఈ సినిమా విడుదల (Vishwambhara Release date) తేది విషయంలో ఇటీవలే విశ్వంభర టీమ్ ఓ ప్రకటన చేసింది. ఈసినిమా 2025 జనవరి 10న విడుదలకానుందని టీమ్ అధికారికంగా ప్రకటించింది.
చిరంజీవి, త్రిష కాంబినేషన్ లో వస్తున్న సినిమా కావడంతో ఈ సినిమాపై మెగా అభిమానులు ఎన్నో ఆశలు పెట్టుకున్నారు. ఈ నేపథ్యంలోనే మెగా ఫ్యాన్స్ అంచనాలు ఏ మాత్రం ఆవిరి కావొద్దనే కోణంలో ప్రతి సీన్‌పై ప్రత్యేక శ్రద్ధ పెట్టి రూపొందిస్తున్నారట మేకర్స్. విడుదల తర్వాత ఈ సినిమా ఓ సంచలనం అవుతుందని టాక్.