Chiranjeevi : ఇటీవల విడుదలైన తెలుగు డిజిటల్ మీడియా ఫెడరేషన్ ఈవెంట్ కి మెగాస్టార్ చిరంజీవి ముఖ్య అతిథిగా వచ్చిన సంగతి అందరికీ తెలిసిందే. ఈ సందర్భంగా చిరంజీవి చెప్పిన ఓ సమాధానం అందరికీ నవ్వు తెప్పించింది.
ఈ ఈవెంట్ లో చిరంజీవితో పాటు ఈ ఈవెంట్ లో ఫ్యామిలీ స్టార్ హీరో విజయ్ దేవరకొండ కూడా పాల్గొన్నారు. వీరిద్దరి మధ్య కాసేపు సరదా సంభాషణ జరిగింది. విజయ్ దేవరకొండ చిరంజీవిని అనేక ప్రశ్నలు అడిగారు.
Chiranjeevi : చిరంజీవి ఇండస్ట్రీలోకి సాధారణ మధ్యతరగతి కుటుంబం నుంచి వచ్చిన సంగతి తెలిసిందే. మెట్టు మెట్టు ఎదుగుతూ తెలుగు చిత్ర పరిశ్రమ శిఖరాగ్రానికి చేరుకున్నారు. అయితే ఈ సందర్భంగా చిరంజీవి కెరీర్ బిగినింగ్ నుంచి ఇప్పటి వరకు ఆసక్తికర విషయాలు అడిగి తెలుసుకున్నారు. విజయ్ దేవరకొండ, చిరు ఇద్దరూ తమ మిడిల్ క్లాస్ మెంటాలిటీ బయట పెట్టుకున్నారు. విజయ్ దేవరకొండ మాట్లాడుతూ.. తాను హీరోగా రాణిస్తున్నా ఇంకా తనలో మిడిల్ క్లాస్ మెంటాలిటీ పోలేదని తెలిపారు.
ఇప్పటి స్నానం చేస్తున్నప్పుడు షాంపూ అయిపోతే బాటిల్ లో నీళ్లు పోసుకుని.. షేక్ చేసి వాడుతానని తెలిపాడు. అయితే దీనికి చిరంజీవి స్పందిస్తూ దీనికి తాను చాలా కనెక్ట్ అయ్యానని తెలిపారు. తనకు కూడా అలాంటి అలవాట్లే ఉన్నాయని తెలిపారు. సాధారణంగా సబ్బు బాగా అరిగిపోతే దానిని పక్కన పెడతామని.. కానీ తాను అరిగిపోయిన సబ్బు ముక్కలన్నింటినీ కలిపి ఒక సోపుగా చేసి వాడతానని తెలిపారు. దీంతో అక్కడున్న వారంతా సరదాగా కాసేపు నవ్వారు.
