టాలీవుడ్ స్టార్ హీరో ప్రభాస్​కు బయటనే కాకుండా సోషల్ మీడియాలోనూ కొన్ని మిలియన్ల మంది ఫాలోవర్స్‌ ఉన్నారు. కానీ తను మాత్రం తన లైఫ్‌స్టైల్‌ గురించి నెట్టింట రేర్​గానే పంచుకుంటుంటారు. కేవలం సినిమాకు సంబంధించిన విషయాలపైనే అప్‌డేట్లు ఇస్తూ కనిపిస్తారు. అయితే తాజాగా ప్రభాస్‌ ఇన్‌స్టా అకౌంట్ గురించి ఓ సీక్రెట్​ను మలయాళ స్టార్ పృథ్వీరాజ్‌ సుకుమారన్‌ రివీల్ చేశారు. అంతేకాకుండా ఆయన ప్రభాస్ గురించి ఇంట్రెస్టింగ్ కామెంట్స్ చేశారు.

“పెద్ద స్టార్‌ అయినా సరే ప్రభాస్‌ ఎంతో సింపుల్‌గా ఉంటారు. స్టార్‌డమ్‌ గురించి తను అసలు ఆలోచించరు. సోషల్‌ మీడియాపై కూడా తనకు అంతగా ఇంట్రెస్ట్ ఉండదు. అయితే ప్రభాస్‌ పేరుతో ఉన్న ఇన్‌స్టాగ్రామ్ అకౌంట్​ నుంచి వచ్చే పోస్ట్‌లు షేర్‌ చేసేది కూడా ఆయన కాదు. ఈ మాట చెప్పి నేను మిమల్ని నిరాశపరిచినందుకు నన్ను క్షమించండి. ఆయనకు చిన్న చిన్న ఆనందాలంటేనే ఇష్టం. ఫామ్‌హౌస్‌లో తను ఎంతో సంతోషంగా ఉంటారు. ఎక్కడైనా సరే మొబైల్‌ పనిచేయని ప్రాంతానికి వెళ్దాం అని ఎప్పుడూ అంటుంటారు. అంత పెద్ద స్టార్‌ అయినా సరే ఇలా చిన్న ఆనందాలను కోరుకోవటాన్ని నేను ఒక్కోసారి ఆశ్చర్యపోతాను” అని పృథ్వీ రాజ్ అన్నారు.

ఇక ఇదే ఇంటర్వ్యూలో దిగ్గజ డైరెక్టర్​ రాజమౌళిపై ప్రశంసలు కురిపించారు పృథ్వీరాజ్‌. ‘బాహుబలి’ తర్వాతనే హిట్‌ సినిమాలకు సీక్వెల్స్ తీయడం ప్రారంభించారని ఆయన తెలిపారు. “బాహుబలి’కి ముందు ఎన్నో సినిమాలకు సీక్వెల్స్‌ వచ్చినప్పటికీ ‘బాహుబలి 2’ రికార్డు స్థాయిలో విజయం సాధించడంతో పార్ట్‌2లపై ఆసక్తి ఎక్కువైంది. ఇటీవల వచ్చిన ‘పుష్ప 2’ కూడా సూపర్‌ సక్సెస్‌ అయిన విషయం తెలిసిందే. అలాగే త్వరలోనే ‘సలార్‌ 2’ కూడా రానుంది” అని చెప్పారు.

ప్రస్తుతం పృథ్వీరాజ్‌ ‘లూసిఫర్‌ 2 :ఎంపురాన్‌’ అనే సినిమాతో బిజీగా ఉన్నారు. పొలిటికల్‌ యాక్షన్‌ థ్రిల్లర్​గా రూపొందుతున్న ఈ చిత్రాన్ని ఆయనే స్వయంగా డైరెక్ట్ చేస్తున్నారు. మలయాళంతో పాటు తెలుగు ప్రేక్షకులను ఆదరించిన ‘లూసిఫర్‌’ ఈ చిత్రం అలరించింది. ఇప్పుడు ఈ సినిమాకు ‘లూసిఫర్‌ 2: ఎంపురాన్‌ పేరిట ప్రీక్వెల్‌ కమ్‌ సీక్వెల్‌ను రూపొందించారు. మార్చి 27న ఈ సినిమా ప్రేక్షకుల ముందుకురానుంది.

ప్రభాస్ ‘రుద్ర’ లుక్‌పై దారుణమైన ట్రోల్స్.. ‘విష్ణయ్యా.. ఇదేందయ్యా’..!

“ప్రళయ కాల రుద్రుడు.. త్రికాల మార్గదర్శకుడు.. శివాజ్ఞ పరిపాలకుడు..” అంటూ ప్రభాస్ ఫస్ట్ లుక్‌ని కన్నప్ప మూవీ టీమ్ తాజాగా రీలీజ్ చేసిన సంగతి తెలిసిందే. అయితే ప్రభాస్ ఫస్ట్ లుక్ పోస్టర్ కోసం ఫ్యాన్స్ ఎంతోకాలంగా ఎదురుచూస్తున్నారు. వారి అంచనాలకి ఏమాత్రం తగ్గకుండా ఈ పోస్టర్ ఉంటుందని అంతా అనుకున్నారు. కానీ తీరా నేడు కన్నప్పలో ప్రభాస్ లుక్ చూసి అంతా కంగుతిన్నారు. ఫ్యాన్స్ మాట పక్కన పెడతే కామన్ ఆడియన్స్ అయితే ప్రభాస్ లుక్‌పై విపరీతంగా ట్రోల్స్, మీమ్స్ చేస్తున్నారు.

కన్నప్ప చిత్రంలో ప్రభాస్ నటిస్తున్నారని తెలియగానే అందరూ శివుడి పాత్ర చేస్తున్నారని ఫిక్స్ అయిపోయారు. కానీ శివుడి పాత్రకి బాలీవుడ్ హీరో అక్షయ్ కుమార్ రాగానే ప్రభాస్ క్యారెక్టర్ ఏంటి అనే డౌటానుమానం వచ్చింది. అయితే ప్రభాస్ శివుడిగా కాదు నందీశ్వరుడిగా కనిపించబోతున్నారనే టాక్ నడిచింది. కానీ నేడు రిలీజ్ చేసిన పోస్టర్‌లో ప్రభాస్ పాత్ర పేరు ‘రుద్ర’ అని.. శివాజ్ఞ పరిపాలకుడని ఉంది.

నిజానికి శివాజ్ఞ పరిపాలకుడు అనగానే అందరికీ గుర్తొచ్చేది నందీశ్వరుడే. అయితే పురాణాల్లో శివుడికి ఉన్న మరో పేరు రుద్రుడు. కానీ రుద్రుడు-శివుడు ఇద్దరికీ కాస్త తేడా ఉంది. పురాణాలు బాగా తెలిసిన వారికి ఈ విషయం అర్థమవుతుంది. ఎందుకంటే శివుడి కంటే శక్తివంతుడు రుద్రుడు. మరి ఆ రుద్రుడి పాత్రనే ప్రభాస్ పోషిస్తున్నారా లేక నందీశ్వరుడి క్యారెక్టర్‌యేనా అనేది తెలియాల్సి ఉంది.

ఇక ఈ విషయం పక్కన పెడితే ప్రభాస్ లుక్‌పై మాత్రం ట్రోల్స్ దారుణంగా వస్తున్నాయి. కొంతమంది అయితే ప్రభాస్ లుక్ చూసి దేశముదురు సినిమాలో కమెడియన్ ఆలీ గెటప్‌లా ఉందంటున్నారు. మరికొంతమంది అయితే బాహుబలిలో తనికెళ్ల భరణిలా ఉందని, ఆదిపురుష్‌లో ప్రభాస్‌లా ఉందని ఇష్టమొచ్చినట్లుగా కామెంట్లు చేస్తున్నారు.

సింపుల్‌గా చెప్పాలంటే ప్రభాస్ లుక్ అంటూ కన్నప్ప టీమ్ వదిలిన దానికంటే ఫ్యాన్ మేడ్ పోస్టర్స్, లుక్స్ సూపర్‌గా ఉన్నాయి. మరి ఈ విషయంలో మంచు విష్ణు ఎంతవరకూ కేర్ తీసుకున్నారో తెలీదు కానీ ఈ ట్రోల్స్‌లో కొంతవరకూ వాస్తవం అయితే ఉందని ఫ్యాన్స్ కూడా పోస్టులు పెడుతున్నారు. ప్రభాస్ రేంజ్‌కి అందుకు తగ్గట్లు సరిపడే లుక్ ఇవ్వలేకపోయారంటూ ఆరోపిస్తున్నారు. మరి ఫస్ట్ లుక్ పోస్టర్ మాట పక్కన పెడితే సినిమాలో ప్రభాస్ ఎలా కనిపిస్తారోనని భయపడుతున్నారు. కన్నప్ప చిత్రంలో ప్రభాస్‌తో పాటు మోహన్ లాల్, అక్షయ్ కుమార్, శరత్‌కుమార్, మోహన్ బాబు, కాజల్ లాంటి స్టార్ క్యాస్టింగ్ ఉంది.

also read-

Daayre-ఇదెక్కడి సినిమారా బాబు..! చెల్లితో పెళ్లి అక్కతో శోభనం.. ఈ రొమాంటిక్ మూవీ ఎక్కడ చూడచ్చంటే…!